Развојни постигнувања на 3 месечна возраст

 

Моторен развој

Груба моторика

• • • • легнато на грб – главата е во средишна линија на телото, кога го повлекуваме во седечка позиција ја задржува, има воспоставено контрола. Со рацете и нозете прави симетрични движења
      • легнато на стомак – се потпира на подлактици, ја задржува исправено главата под агол од 45 до 90 степени, во времетраење од околу една минута
      • држено под пазуви, исправено- при контакт на стапалата со подлогата на кратко ја задржува тежината и прави обид да се одбие

Фина моторика

• • • • дланките се отворени, пасивно поставен предмет кратко задржува и има свесност за тоа
      • ги доближува дланките една до друга, во ниво на граден кош и ги носи во уста
      • мафта со рацете и ако над него има висечки играчки, успева да погоди некоја од повеќе обиди

Перцепција

• • • визуелна- следи предмет со поглед и вртење на глава хоризонтално од едниот до другиот крај, како и нагоре  и надолу,  поаѓајќи од средишната линија
    • аудитивна – моторна слушна реакција, на звуци реагира со целото тело ( се вознемирува или го прекинува движењето). Почнува да го препознава и да реагира на гласот на мајката

 

Комуникација

• • • гуга, поврзува согласки со самогласки (вокали со грлени звуци)

 

Социјално однесување

• • • насочена, социјална насмевка проследена со радост кога ќе ја види мајката

 

Доколку забележите некои од долунаведените знаци кај Вашето бебе, контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка.

• • • држењето на телото не треба да му биде ниту круто, ниту млитаво. Движењата на рацете и нозете не треба да се разликуваат во однос на лева и десна страна
    • главата ја зафрла наназад ако го повлекуваме да седне, или пак е навалена на една или друга страна додека го држиме во раце исправено
    • дланките ги држи цврсто стегнати, палецот е внатре и нема свесност ни ако вие му ставите нешто да држи
    • отсуство на насмевка
    • нема насочен поглед, ниту обид за следење предмет или лице кое е пред него
    • не гуга, ниту вокализира 
    • не реагира на звуците од околината
    • има бурни реакции на допир, кога го пресоблекувате капете, гушкате, масирате и сл.

Развојни постигнувања на 6 месечна возраст

 

Моторен развој

Груба моторика

• • • • легнато на грб – подава раце, лесно го доведуваме во седечка позиција. Се врти до стомак и повторно се враќа назад на грб
      • седење- кратко седи само, се потпира со рацете пред себе
      • поставено на стомак- се потпира на испружени раце, дланки полуотворени или отворени 
      • држено под пазуви- првично ја допира подлогата со прстите, па потоа го спушта стапалото. Ја носи тежината на своето тело и се одбива.

Фина моторика

• • • • посега, ги пушта рацете подалеку од градниот кош. Префрла играчка од една во друга рака. Фатот е со цела дланка (палмарен)

 

Перцепција

• • • визуелна – јасна реакција, следи лица и предмети кои се и оддалечени од него
    • аудитивна- јасна реакција, со поглед бара извор на звук

 

Комуникација

• • • интензивно брборење, мноштво на гласови со различна јачина и висина на тон

 

Социјално однесување

• • • различно се однесува со познати и непознати лица

 

Доколку забележите некои од долунаведените знаци кај Вашето бебе, контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка.

• • • не посега по предмети кои му се на дофат
    • слаба контрола на главата
    • не прави обид да се заврти до стомак
    • нема интерес за предмети дури и ако му ги ставиме во рака (не ги гледа, не ги става во уста)
    • отсуство на насмевка и реакција на лица и звуци од околината
    • не возвраќа на емотивниот говор и допирот на мајката

Развојни постигнувања на 9 месечна возраст

 

Моторен развој

Груба моторика

• • • • легнато на грб- самото седнува, ако е во близина на мебел, се обидува да се исправи. Брзо менува позиции (легнува, седнува, се превртува)
      • седење- седи само, може да се задржи ако се навали напред и странично
      • на стомак – се одржува во лазечка позиција на колена и дланки, не мора да лази
      • исправено на нозе – ја носи тежината на телото ако го поставиме покрај мебел или го држиме за двете раце

Фина моторика

• • • • фаќа ситни предмети со испружени палец и показалец, држи во раката цврста храна и ја носи во уста. Се подобрува заедничкото користење на двете раце, намерно испушта предмети од рака

 

Перцепција

• • • визуелна – следи каде му го криеме предметот
    • аудитивна- реагира и на шумови

 

Комуникација

• • • изговара слогови 

 

Социјално однесување

• • • се плаши од непознати, плаче ако слушне плач од друго бебе, привлекува внимание (намерно кашла, се смее, итн)
    • почнува да учи кореографии на песнички (на пр. Две рачиња десет прсти.)

 

Доколку забележите некои од долунаведените знаци кај Вашето бебе, контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка.

• • • не седи самостојно, дури ни со потпирање
    • не ја носи тежината на телото
    • не реагира на повикување на име
    • не изговара согласки
    • не успева да префрли играчка од една во друга рака
    • нема интерес да го истражува просторот
    • индиферентно е дури и кон мајката

Развојни постигнувања на 12 месечна возраст

 

Моторен развој

Груба моторика

• • • • активно седнува, со мала помош се исправа на нозе
      • самостојно и долго седење
      • исправено на нозе – стои неколку секунди само, оди покрај мебел и ако го држиме за една рака
      • на стомак – координирано лазење

Фина моторика

• • • • фаќа ситни предмети со свиткан палец и показалец
      • удира две играчки една од друга, или тропа по масата да направи звук
      • држи лажица, но се уште не јаде само

 

Перцепција, разбирање, говор и комуникација

• • • се јавуваат првите зборови со значење, во комуникацијата доминантни се гестовите
    • го разбира едноставниот говор, адекватно реагира
    • се подобрува визуомоторната координација
    • забележува лива и предмети кои брзо се движат и се на поголемо растојание од него

 

Социјално однесување

• • • се гордее на себе кога ќе успее да направи нешто
    • не сака да биде оставено со непознати (во градинка)
    • сака да му чита мајката книга и адекватно реагира на  содржината (повеќе на бојата и мелодијата на гласот)
    • иницира контакт со возрасните, има гест за прашање

 

Доколку забележите некои од долунаведените знаци кај Вашето бебе, контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка.

• • • не стои, не ползи
    • нема ниту еден збор со значење
    • не реагира на повикување
    • не ја бара играчката кога му ја криете
    • не употребува никакви гестови
    • доколку губи некои од вештините кои претходно ги усвоило

Развојна проценка 12 до 18 месеци

 

Моторен развој 

• • • самостојно оди
    • со лазење искачува скали, за качување и симнување му е потребна помош
    • влече и турка играчки при одење
    • само седнува на мало столче
    • прави кула од 2-3 коцки
    • врти по повеќе страници од сликовница
    • става мали предмети во шише
    • спонтано шкрта
    • става жетони во отвор (паричка во каса)

 

 Когнитивен развој (учење, размислување и решавање проблеми)

• • • се радува на сликите во книга
    • знае некои делови од телото
    • разбира неколку едноставни вербални налози
    • поврзува животински звуци со слика во книга
    • прави едноставни класификации по боја и форма

 

Јазик и комуникациски вештини

• • • покажува кон тоа што го сака
    • разбирањето на говорот е подобро во однос на фондот на зборови кои ги има
    • изговара најмалку 5 зборови со значење
    • кажува „Не“ или врти со главата
    • се обидува да пее
    • има интонативен прашален облик (Мама?)

 

Социоемоционален развој 

• • • сака да е во центар на внимание
    • најчесто си игра само
    • сака да ги истражува предметите и просторот
    • ги гушка и бакнува родителите и најблиските лица
    • убаво се чувствува на познати места
    • не сака да ги дели играчките

 

Контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка, доколку Вашето дете со полни 18 месеци:

• • • не оди самостојно
    • не се врти кога го повикувате по име
    • не реагира на секојдневни звуци (ѕвонење на телефон)
    • не реагира додека му читате и не покажува на барање слики од книгата
    • не подава спонтано
    • не прави обид за изговарање на слогови и зборови
    • не Ве гледа во очи кога му зборувате

Развојна проценка 18 до 24 месеци

 

Моторен развој 

• • • може да клекне и да се исправи без држење
    • фрла топка
    • се труди да ја дофати топката со рацете и телото
    • се бутка со нозете качено на играчка со тркала (се придвижува)
    • качува и симнува скали ако го држиме за една рака
    • отвара капак на кутија

 

Когнитивен развој (учење, размислување и решавање проблеми)

• • • реди кула од 4 коцки
    • става прстени на стапче
    • шкрта
    • почнува да ги разбира концептите на време (На пр. „Не сега, кога ќе одиме дома“)
    • препознава и именува познати лица на слика
    • памти детали и рутини

 

Јазик и комуникациски вештини

• • • има холофраза (еден збор е цела реченица) а до крајот на периодот поврзува по 2 збора
    • има околу 20тина зборови со значење
    • на барање, именува некои слики во книга  
    • повторува зборови кои ги слушнало
    • бара помош

 

Социоемоционален развој 

• • • се јавува лутина, срам, фрустрација
    • не може да си ги контролира емоциите, што е причина за појава на тантруми
    • кон крајот на периодот се намалуваат сепарационите стравови
    • почнува да сочуствува, ако е некој тажен – го гушка
    • посесивно е за своите играчки

 

Контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка, доколку Вашето дете со полни 24 месеци:

• • • не прави обид за трчање
    • не умее да фрли топка
    • има млитаво или круто држење на телото
    • не разбира вербални налози ако не се придружени со гест и покажување
    • не повторува зборови
    • нема интерес да разгледува книга барем 5 минути
    • има помалку од 20 збора и не ги поврзува во реченица
    • не користи гестови да го дополни својот говор

Развојна проценка 2 години

 

Моторен развој 

• • • се подига на прсти
    • шутира топка
    • се качува на столица, кревет, препреки на детско игралиште
    • прави обиди за трчање
    • со држење качува и симнува скали
    • ја фрла топката со исправена рака над глава (со зафрлување)
    • повлекува прави линии и се обидува да нацрта кружна линија

 

 Когнитивен развој (учење, размислување и решавање проблеми)

• • • пронаоѓа и подобро сокриен предмет (под неколку покривки)
    • кон крајот на овој период почнува повеќе да ја користи едната рака или да шутира со едната нога (се гледа дали ќе му биде водечка левата или десната рака/нога)
    • прави едноставни класификации, ги групира предметите по големина, форма, боја, без именување какви се
    • почнува да игра игри кобајаги
    • реди кула од 3 до 5 коцки 

 

Јазик и комуникациски вештини

• • • на барање покажува конкретна слика во сликовница
    • именува делови од тело, како и секојдневни предмети и лица во неговата околина
    • поврзува два збора во реченица, а до крајот на овој период може да поврзе 3-4 збора
    • разбира и извршува едноставни вербални налози (донеси ја топката)
    • повторува зборови што ги слушнал од возрасните
    • на прашањето: „Каде е?“, точно покажува со прстот

 

Социоемоционален развој 

• • • ги копира поголемите деца и возрасните
    • се развива самостојноста
    • се радува на други деца
    • пркоси, прави по свое, се инаети
    • доминира паралелна игра, со повремено вклучување на друго дете во својата игра, или тоа се обидува да се вклучи во туѓа игра

 

Контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка, доколку Вашето дете со полни 3 години:

• • • не поврзува два збора во реченица
    • не знае за што служат секојдневните предмети (чешел, чаша, лажица…)
    • нема интерес за имитирање на други лица
    • не оди стабилно
    • ги губи претходно стекнатите вештини

Развојна проценка 3 години

 

Моторен развој 

• • • вешто е при качување
    • трча со леснотија
    • вози точаче на три тркала со вртење на педалите
    • качува и симнува скали, со наизменично стапнување на секоја скала
    • лесно ракува со играчки кои имаат рачки, команди на копчиња и сл.

 

 Когнитивен развој (учење, размислување и решавање проблеми)

• • • разбира колку се Две (две топки, две кукли…)
    • црта круг, повлекува хоризонтална и вертикална линија по пат на имитација
    • врти по една страница од сликовница
    • прави сложувалки од 4 дела
    • гради кула од барем 6 коцки
    • игра игри кобајаги

 

Јазик и комуникациски вештини

• • • ги именува речиси сите познати работи
    • кажува како се вика, пол и возраст
    • го знае името на другарчето
    • користи множина, како и лични заменки (јас, ти, ние)
    • разбира и извршува вербални налози од два или три дела 

 

Социоемоционален развој 

• • • ги имитира другарчињата и возрасните
    • покажува наклонетост кон другите
    • загрижено е ако другарчето плаче
    • си го чека редот во игра
    • полесно се одвојува од родителите
    • има мноштво на емоции
    • самостојно е при облекување и соблекување, мие и брише раце

 

Контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка, доколку Вашето дете со полни 4 години:

• • • е невешто, лесно се препнува и паѓа
    • има зголемено лигавење или доста неразбирлив говор
    • во говорот отсуствуваат реченици
    • не разбира наједноставни вербални налози
    • не имитира и не игра замислени игри
    • не Ве гледа во очи додека му зборувате
    • ги губи вештините кои ги има претходно усвоено

Развојна проценка 4 години

 

Моторен развој 

• • • стои на една нога барем 2 секунди
    • најчесто дофаќа топка кога му ја дофрламе
    • претура сок од шише во чаша
    • сече со ножици со мала помош
    • учествува во подготовка на својот оброк (меша житарки со млеко)

 

 Когнитивен развој (учење, размислување и решавање проблеми)

• • • препознава и именува основни бои
    • брои до 10 (дозволено прескокнување на некој број)
    • почнува да го разбира поимот за време
    • памти и раскажува делови од приказна
    • разликува исто од различно
    • црта човечка фигура со 4 дела
    • препишува неколку печатни букви
    • игра друштвени игри (меморија, домино…)
    • додека му читате, дава претоставки за идните настани во книгата

 

Јазик и комуникациски вештини

• • • ја усвојува граматиката на мајчиниот јазик
    • пее детски песнички
    • раскажува пократки содржини
    • знае да си го каже целото име и презиме

 

Социоемоционален развој 

• • • игра игри по улоги
    • креативно е, игрите кобајаги му се побогати
    • почесто сака да игра со други деца, отколку сам, соработува при играње
    • разликува што е вистина, а што измислено
    • има став за тоа што сака, или не сака

 

Контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка, доколку Вашето дете со полни 5 години:

• • • не може да скокне во место
    • не разликува вистинско од измислено
    • одбива да се дружи, повеќе сака да игра само
    • дава отпор при облекување, хранење и користење на тоалет
    • има проблем да раскаже нешто
    • не разбира вербален налог од три дела
    • не разликува исто од различно
    • говорот е неразбирлив за околината
    • не употребува правилно лични заменки (јас и ти)
    • ги губи вештините кои ги имало усвоено претходно

Развојна проценка 5 години

 

Моторен развој 

• • • стои на една нога барем 10 секунди
    • скока, прескокнува, заобиколува пречки
    • се превртува (колут напред)
    • се лула на лулашка, се качува и спушта по лизгалка на детско игралиште
    • странично скока, прецизно шутира

 

 Когнитивен развој (учење, размислување и решавање проблеми)

• • • брои и одбројува до 10 предмети
    • црта човечка фигура со најмалку 6 дела
    • црта едноставни цртежи со детали (цртежот е богат, како приказна)
    • прецртува триаголник
    • има знаење за работите кои секој ден се користат (храна, облека, пари, прибор за јадење итн)
    • ги препишува цифрите од 1 до 10,  самостојно пишува печатни букви, држи правилно молив
    • го препишува своето име

 

Јазик и комуникациски вештини

• • • зборува разбирливо
    • раскажува со цели реченици
    • во говорот користи и идно време

 

Социоемоционален развој 

• • • сака да им угоди на другарчињата
    • сака да се спријателува
    • разликува машки од женски пол
    • ги прифаќа правилата на игра
    • покажува поголема самостојност (оди само кај другарчето кое живее три ката над него)
    • ужива во правење претстави (игра, танцува, глуми)
    • знае да менува расположенија, да соработува, па да почне да се инаети

 

Контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка, доколку Вашето дете со полни 6 години:

• • • има мал опсег на емоции
    • има екстремни однесувања, како нереален страв, агресивност или изразена срамежливост
    • повлечено е, одбива да се дружи
    • нема реакција на присуство и обраќање од страна на други деца или возрасни
    • не го кажува целото име и презиме
    • вниманието му се одвлекува лесно и е краткотрајно
    • не користи еднина и множина во говорот, ниту минато и идно време
    • не црта
    • му треба помош при користење на тоалет, облекување и исхрана
    • ги губи вештините кои претходно ги имало усвоено

Развојна проценка 6 години

 

Моторен развој 

• • • прескокнува пречка неколку пати по ред
    • шутира во трчање
    • при трчање прави маневри како возрасен
    • оди по греда широка 5 сантиметри
    • вози велосипед со помошни тркала или без нив
    • прави разлика помеѓу брзи и бавни движења

 

 Когнитивен развој (учење, размислување и решавање проблеми)

• • • гради тридимензионални објекти од коцки
    • сече едноставни форми
    • бои во рамки на линиите
    • врзува врвци
    • црта дијагонални линии
    • правилно го држи моливот, движењата се од прстите, не од рачниот зглоб
    • црта јасно препознатливи цртежи
    • црта човечка фигура со повеќе од 6 дела

 

Јазик и комуникациски вештини

• • • поставува прашања, дава одговори со повеќе реченици
    • почнува да чита
    • прашува за значењето на зборовите
    • може да ги анализира зборовите, да препознае од кои гласови се составени
    • си го пишува името и презимето
    • говорот е јасен и разбирлив

 

Социоемоционален развој 

• • • станува посвесно за своите и туѓите емоции
    • се труди да си ги контролира емоциите
    • сака да се истакне, да го покаже својот талент
    • покажува поголема независност во однос на членовите на семејството
    • развива самоконтрола

 

Контактирајте нѐ на 074-222-148 секој работен ден од понеделник до петок во период од 10.00 до 17.00 часот и ќе добиете бесплатна онлајн поддршка, доколку Вашето дете со полни 7 години:

• • • пелтечи или има било каков проблем говорно да се изрази
    • не следи инструкции
    • тешко склопува пријателства
    • има проблем да седи на едно место подолго време
    • покажува агресија кон други деца
    • има потреба од помош при облекување, соблекување, исхрана и користење на тоалет
    • ги губи вештините кои ги имало усвоено претходно